प्रधानसेनापति गुरुङ कन्हय् सिंगापुर वनीगु

प्रधानसेनापति छत्रमानिसंह गुरुङ सिंगापुरय् जुइत्यंगु न्हय्क्वःगु प्यासिफिक देय्या सेना प्रमुखतय्गु सम्मेलनय् ब्वति कायेत बुधवाः उखेपाखे वनीगु जुगु दु । संयुक्त राज्य अमेरिकाया सेनाया सेनाध्यक्ष मार्थिन ई. डिम्प्से व सिंगापुरया सेना प्रमुख चान चुङ सिङया संयुक्त ब्वनाय् श्रावण १२ निसें १५ गतेतक्क जुइगु ज्याझ्वःलय् सेनापति वनेत्यंगु ख । थौं जंगी अड्डां छगू विज्ञप्ती पिकया बहुपक्षीय सुरक्षा सहयोगपाखें स्थल सेनाया क्षमता अभिबृद्धि यायेगु लक्ष्यं यायेत्यंगु सम्मेलनय् प्रधानसेनापति भ्रमणय् वनेत्यंगु खँ न्ह्यथंगु दु । सम्मेलनय् निगु पक्षीय लिसे बहुपक्षीय नापलाये ज्यायात न्ह्याका एसिया-प्रशान्त क्षेत्रया सुरक्षा लगायत समसामयिक विषयतदथुइ सहलह याइगु ज्याझ्वः दु ।