प्रम खनालयात राजीनामा यायेत ओलीया इनाप

नेकपा (एमाले)या नेता केपी ओलीं मन्त्रीपरिषद् पुनर्गठन मजूगु इलय् हे प्रधानमन्त्री झलनाथ खनालं राजीनामा बिइमाःगु धयादिल । युवा संघया विदेश विभागं मंगलवाः याःगु छगू ज्याझ्वःलिपा साचारकर्मीतलिसे खँल्हासें ओलीं मन्त्री परिषद् पुनर्गठन जुइ हे मफइगु धयादिल । देय्यात यथास्थितिइ तयेत मन्त्री परिषद् पुनर्गठनया प्रस्ताव हःगु ओलीया द्वपं खः । वय्कलं एमाले नायः नापं जुयाच्वनादीम्ह प्रधानमन्त्री खनालं पदपाखें राजीनामा मब्यूसे संसद व राजनीतिक सहमतिया उपहास याःगु नं द्वपं बियादिल ।