सुरक्षाकःमिपिंनापं ज्वःलाःगु लं मफीत गृह मन्त्रालयया इनाप

गृहमन्त्रालयं सुरक्षाकःमिपिंनापं ज्वःलाःगु लँ फिना मजुइत सकलसित इनाप याःगु दु । मन्त्रालयं छगू विज्ञप्ति पिथनादिसें नेपाली सेना, सशस्त्र प्रहरी व नेपाल प्रहरी संगठन दुने छ्यलीगु लँनाप ज्वःलाःगु रङ्ग व छाप दुगु लँ मफीत व ममीत नं इनाप याःगु दु ।

सुरक्षाकःमिपिंनापं ज्वःलाःगु लँ न्ह्यल्लाथे फिनां सर्वसाधारण जनतायात मनोवैज्ञानिक प्रभाव लाइगु व लँया नं दुरुपयोग यासें गैरकानूनी ज्याखँत याना समाजय् ग्याचिकु ब्वलनीगु ज्या जुयाच्वंगु मन्त्रालयं विज्ञप्तिइ न्ह्यथनातःगु दु ।