थौं बजेट वइगु जुल
मधेसी मोर्चा आवद्ध मधेसवादी दलतय् अवरोध यायेगु धम्कीया कारणं बिहीवार प्रस्तुत जुइ मफुगु आर्थिक वर्ष ०६८/०६९ या बजेट थौं वइगु जूगु दु ।
सरकार व मधेसी मोर्चाया नकतिनिया वार्ता मुँज्या सकारात्मक खनेदुगु दु । वार्ताय् सरकारपाखें प्रधानमन्त्री झलनाथ खनाल, अर्थमन्त्री तथा उपप्रधानमन्त्री भरतमोहन अधिकारी, रक्षामन्त्री विष्णु पौडेल, पूर्व अर्थमन्त्री सुरेन्द्र पान्डे सहभागी जूगु खः । अथे हे माओवादीपाखें अध्यक्ष पुष्पकमल दाहाल, उपाध्यक्षपिं मोहन वैद्य, बाबुराम भट्टराई, नारायणकाजी श्रेष्ठ व महासचिव रामबहादुर थापा सहभागी जूगु खः ।
मधेसी मोर्चापाखें फोरम लोकतान्त्रिकया अध्यक्ष विजयकुमार गच्छदार, फोरम गणतान्त्रिकया अध्यक्ष जेपी गुप्ता, सदभावनाया अध्यक्ष राजेन्द्र महतो, तपलोपा नेपालया अध्यक्ष महेन्द्र यादव सहभागी जूगु दुसा तमलोपा अध्यक्ष महन्थ ठाकुर अस्वस्थ जूगुलिं ह्रदयेश त्रिपाठी व जितेन्द्र सोनार सहभागी जूगु खः ।
