हानं जुइगु जुल मीस नेपाल

थगुने जुइ मफुगु मीस नेपाल प्रतियोगीता थुगुसी चाहिं याइगु जूगु दु । थीथी संघसंस्थाया विरोधया कारणं थगुने जुइ मफुगु प्रतियोगीता थुगुसीनिसें विरोधया बावजुत नं निरन्तरता बिइगु खँ आयोजक संस्था हिडन ट्रेजरया व्यवस्थापन निर्देशक गिरेन्द्रमान राजवंशीं जानकारी बियादीगु दु ।

नेपालय् मीस नेपाल छगू त्वःताः मेमेगु सुन्दरी प्रतियोगीता मदिक्क न्ह्यानाच्वंगु दु । मीस नेवाः मीस मंगोल आदि प्रतियोगीता जातिय आधारय् न्ह्यानाच्वंगुलिं थुपिं प्रतियोगीताया विरोध यायेगु जातियताया विरोध यायेगु थें जूवनीगु कारणं थुपिं प्रतियोगीताया विरोध मजूगु धासें मीस नेपालया विरोध याइगु संघसंस्थातय्के पूर्वाग्रही मानसिकता दुगु आरोप वय्कलं बियादीगु दु ।

वय्कःया कथं आः लच्छिया दुने मीस नेपाल २००९ प्रतियोगीता जुइ ।

More Stories Like this