सान फ्रान्सिस्कोय् नेवाः संस्कृति ब्वज्या

Posted on Wed May 18, 2011 12:36 pm NST

सं.रा. अमेरिका क्यालिफोर्निया नेपाः खलःपाखें थुगु दँया हिमालयन महोत्सवय् नेवाः संस्कृतिया ब्वज्या याःगु दु । बर्कलि क्यालिफोर्नियाया लाइभ ओक पार्कय् शनिवाः व आइतवाः जूगु ज्याझ्वलय् खलःपाखें नेवाः संस्कृति बारे सूचना बुथ, नेपाःगाःया पुलांगु किपा, नेवाः सफू व म्येचाः व हस्तकला नं ब्वज्या याःगु खः ।

निन्हु यंकया ज्याझ्वलय् नेपाः खलःपाखें नेवाः हुलाप्याखं नं न्ह्यब्वयागु खँ नेपाःखलःया राजिश श्रेष्ठं नेपालमण्डल डट कमयात जानकारी बियादिल ।