सीधुंकूम्ह कांग्रेस नेता विपि कोइरालायात बंगलादेशं सम्मान
Posted on Sat Mar 26, 2011 2:38 pm NST
बंगलादेशया स्वतन्त्रता आन्दोलनय् योगदान ब्यूगु धासें नेपाली कांग्रेसया नेता नापं न्हापांम्ह जननिर्वाचित प्रधानमन्त्री विश्वेरप्रसाद कोइरालायात थौं बंगलादेशं सीधुंकाः राष्ट्रिय सम्मान ब्यूगु दु ।
बंगलादेशया पीक्वःगु पलिस्था दिवस नापं राष्ट्रिय दिवसया भुवलय् नेपाल स्थित बंगलादेश दुतावासय् थौं जूगु ज्याझ्वलय् कोइरालायात सीधुंकाः सम्मान याःगु खः । बंगलादेशया स्वतन्त्रता आन्दोलनय् ग्वाहालि याःपिं न्यय्म्ह विदेशी नागरिकतय्त बंगलादेशं सम्मान याःगु खः ।
राष्ट्रिय दिवसया झ्वलय् राजदुतावासय् जूगु ज्याझ्वलय् नेपाःया नितिं बंगलादेशया राजदुत डा. निमचन्द्र भौमिकं बंगलादेशया झण्डोत्तोलन यानादीगु खः ।
News Location:
