थौं लः दिवस २०११
थौं मार्च २६ अर्थात ल: दिवस । लः नाप सम्बन्धित संघसंस्थां थौं थुगु दँया लः दिवस २०११ थीथी ज्याझ्वः याना हन ।
येँय् थौं सुथय् वाटर एडं पद यात्रा याना लः सम्बन्धि जनचेतना अभिबृद्धि यात । पद यात्रा दशरथ रंगशाला, त्रिपुरेश्वर, सुनधारा जुया खुल्लामञ्चय् थ्यंकाः क्वचायेकूगु खः ।
जनसंख्या बृद्धि नापं वन विनासया हुनिं नेपलाय् नं हरेक दँय् जनतां लःया अभाव भोगयायेमाःगु दु । सरकारं विक्रम संवत् २०७३ तक आधारभूत सरसफाइ व त्वनेगु लखय् फुक्कसिया पहुचँ दयेकेगु आज्जु काःगु दु । तर आःतक नेपालय् न्यय्न्यागू लख मनूत स्वच्छ लः त्वनेगु पाखें विञ्चत जुयाच्वंगु दु ।
स्वनिगलय् न्हिइ त्वनेगु लःया आवश्यकता स्वीनगू कोटि लिटर खःसां नं खुगू कोटि चय्च्यागू लख लिटर जक लःया आपूर्ति जुयाच्वंगु अवस्था दु । उकिसनं छगू कोटि स्वीच्यागू लख लिटर लः चुहावट जुया सितिं वनाच्वंगु दु ।
