माधव नेपाल भारतिय !

नेपाःया न्हूम्ह प्रधानमन्त्रीया नामय् नेकपा एमालेया वरिष्ठ नेता माधव नेपालया नां बय्बय् जुयच्वंगु इलय् भारतिय पत्रिकां भाजु नेपाल भारतिय मूलयाम्ह धकाः छापेयाःगु दु ।

भारतं पिहांवइगु पंजाव केशरीया थौंया अंकय् भाजु नेपाल भारतिय मूलयाम्ह धकाः छापेयाःगु खः ।

ूभारतिय मूलया माधव नेपाःया न्हूम्ह प्रधानमन्त्री जुईू धकाः किपा सहित न्हापांगु पेजय् हे छापेयाना हःगु खः ।

छगू दशक न्हयः नेकपा एमालेयाया शाशनकालय् भाजु नेपाल उप प्रधानमन्त्री जूगु खःसा उबले थजाःगु छुं नं खं मवः। भाजु नेपालया कूल छेँ नेपाःया रौटहतय् खःसा येँय् कोटेश्वरय् थःगु हे छेँ दु ।