नेपाली कांग्रेसया संस्थापक नेता कृष्णप्रसाद भट्टराईया शवयात्रा न्ह्यात (लाइभ अपडेट)
नेपाःया प्रजातान्त्रिक आन्दोलनया योद्धा नापं नेपाली कांग्रेसया संस्थापक नेता कृष्णप्रसाद भट्टराईयात थौं राजकीय सम्मान नापं अन्त्येष्टि यायेगु निितं येँया दशरथ रंगशालां शवयात्रा सुरु जूगु दु । सीम्हयात रंगशालां सुनधारा वीर अस्पताल रत्नपार्क बागबजार डिल्लीबजार पुलांगु बानेश्वर गौशाला जुया पशुपति आर्यघाट थ्यंकाः राजकीय सम्मान नापं अन्तिम संस्कार याइ ।
चय्न्हय्दँया सन्त नेता भट्टराईया पार्थिव शरीरयात लिपांगु श्रद्धान्जलीया निितं छुं ई न्ह्यः तक येँया दशरथ रंगशालाय् तयातःगु खः ।
आः शवयाता येँया वीर अस्पताल थ्यंगु दु । दकले न्ह्यःने आर्मीया बैण्डबाजा सैनिक टुकडी शसस्त्र प्रहरीया टुकडी प्रहरी कांग्रेसया नेता कार्यकता नापं पार्टीया झण्डानापं कार्यकता छसिकथं भुवःलाक न्ह्याःवयाच्वंगु दु ।
रंगशालाय् लिपांगु श्रदााजलीया निितं राष्ट्रपति डा।रामवरण यादव प्रधानमन्त्री झलनाथ खनाल कांग्रेस सभापति सुशील कोइराला माओवादी नायः पुष्पकमल दाहाल नापंया नेता कार्यकर्ता शुभेच्छुक विदेशी कुतनीतिकत उच्चपदस्त कर्मचारी व सुरक्षाअधिकारीया प्रमुखतय्सं श्रदााजलि बियादीगु खः ।
किसुनजीया शवयात्रा आः येँया रत्नपार्कं बागबजार पाखे न्ह्यानाच्वंगु दु । शवयात्रायात नेपाली सेना प्रहरीया गाडीं स्कटिङ यानाच्वंगु दु । भट्टराईया सीम्ह तयातःगु गाडीइ वय्कःया ग्वाहालिमि अमिता कपाली कांग्रेस सभापति सुशील कोइराला बरिष्ठ नेता शेरबहादुर देउवा च्वनादीगु दु ।
पशुपति आर्यघाटय् लिपांगु संस्कारया निितं पूर्ण तयारी जुइधुंकूगु दु । सिपंय् सां व स्वांमां झःझ धायेकूगु दु । सलंसः मनूत पशुपति आर्यघाटय् थ्यंकूगु दुसा लिपांगु सलामीया निितं नेपाली सेनाया थाय् नं ब्यवस्थित यायेधुंकूगु दु ।
शवयात्रा याः बागबजारं पुतलीसडक पाखे न्ह्याःवयाच्वंगु दु ।
शवयात्रा मैतीदेवीं पुलांगु बानेश्वर थ्यंगु दु ।
शवयात्रा गौशाला थ्यंगु दु । छुं ई लिपा हे पशुपतिइ थ्यनेवं राजकीय सम्मान नापं अन्तिम अन्त्यस्ति याई । उकिया निितं पशुपतिइ यक्वः हे ल्याखय् मनूत मुनेधुंकूगु दुसा नेता कार्यकर्ता शुभेच्छुकत नं पहिला हे थ्यंकाच्वनेधुंकूगु दु । कार्यकर्ता, शुभेच्छुकतय्गु ल्हातय् किसुनजीया
किपाया प्लेकार्ड ज्वनातःगु खनेदु ।
शवयात्रा पशुपतिइ थ्यना मदुम्ह भट्टराईयात ब्रम्हनालय् तयेगु ज्या जूगु दु ।
भट्राईया सीम्हयात दाहसंस्कारया निितं सिपय् स्वकः तक चाःहिका दिकूगु दु ।
मि तयेन्ह्यः मदुम्ह भट्टराईयात प्रधानमन्त्री झलनाथ खनाल सभामुख सुभासचन्द्र नेम्वाङ्ग मन्त्रीत नेपाली कांग्रेसया सभापति सुशिल कोइराला नेता शेरवहादुर देउवा रामचन्द्र पौडेल नापंया नेतातय्स्र लिपांगु श्रदााजली बिल । आर्यघाटय् थीथी दलया शीर्ष नेता पुलांिपं मन्त्री सभासद् कांगेस कार्यकर्ता व द्वलंद्वः सर्वसाधारणया उपस्थिति दुगु खः ।
४ः५३ ता इलय् भट्टराईया सािहंला दाजुया गोपाल प्रसाद भट्राईया काय् प्रमोद भट्राईपाखेंपाखें मि तयेगु ज्या जुल ।
नेपाली सेनां राजकीय सम्मानस्वरुप सलामी बिल ।
Related Stories
भट्टराईया स्वास्थ्यस्थिति जटिल कृष्णप्रसाद भट्टराई मन्त मदुम्ह सन्त नेता भट्टराईया जीवन इतिहास चिकित्सकतय् अन्तिम कुतः किसुनजीया अन्त्यस्थी थौं
