फेसबुकं 'नेवारी' खँग्वः लिकाल

न्ववाइगु भाय्‌या सूचीइ 'नेवारी' खँग्वः लिकयाः 'नेपालभाषा' तयेगु इनाप लिपा अन्ततः सोसल नेटवर्क साइट फेसबुकं 'नेवारी' खँग्वःयात पूर्ण रुपं चिइकूगु दु । थ्वया लिपा आः फेसबुक छ्यलीपिं द्वलंद्वः नेवाःतय् प्रोफाइलय् न्ववाइगु भाषाया रुपय् नेपालभाषा धकाः खनेदये धुंकूगु दु ।

न्हूगु परिवर्तन लिपा फेसबुकय् थःम्ह न्ववाइगु भाय्‌ धकाः प्रोफाइलय् भाय्‌या नां 'nepal ..' निसें च्वयेगु शुरु याःसा 'Nepal Bhasa' धकाः अटो कम्पलिट अप्सन बिइ । अथे हे 'newa' प्यंगः आखः टाइप यायेवं 'Newar / Nepal Bhasa' धकाः अप्सन बिइ । यदि 'newari' धकाः भाय्‌या नां च्वत धाःसा उगु भाय्‌या नां स्वतः नेपालभाषा धकाः हिलाबिइ, 'newari' धकाः भाय्‌या नां च्वके बिइमखु । उलि जक मखु थ्व स्वयां न्ह्यः नेवारी धकाः थःगु भाय्‌या नां च्वयातःपिनि दक्वसिया प्रोफाइलय् 'Newar / Nepalbhasa' धकाः स्वतः हिउगु दु ।

लुमंके बह जू, विश्वया दक्वं भाषाया नां व कोड ISO या ज्या याइगु लाइब्रेरि अफ कंग्रेसलिसे नेवाःतय्‌सं न्ववाइगु भाय्‌यात नेपालभाषा धकाः च्वयेत इनाप लिपा न्हापा नेवारी धकाः जुयाच्वंगु नांयात छुं दँ न्ह्यः नेवारी, नेपालभाषा धकाः भिंकूगु खः । नेपालभाषाया ISO 639-2 कोड new खः ।

Related Stories

झिदँय् क्यन विकिपिडिया - नेपालभाषा द. एशियाय् दक्कले न्ह्यःने
'नेपालमण्डल डट कम भेटिकन सिटी स्वयां तःधं'
फेसबुकया संस्थापक जकरवर्ग नेपाः वःगु पुष्टि

More Stories Like this

कालिन्चोककु च्वापा होर (द्वाल्खा भाषा)
फेसबुकं ब्यूगु बुदिंया उपहार
'नेपालमण्डल डट कम भेटिकन सिटी स्वयां तःधं'
फेसबुकया संस्थापक जकरवर्ग नेपाः वःगु पुष्टि
फेसबुक छ्यलीपिं पचास करोड थ्यन