एमालेया नायः खनालयात कार्यकर्तां न्यतालय् चड्कन

नेकपा (एमाले)या नायः झलनाथ खनालयात वय्कःया हे पार्टीया छम्ह कार्यकर्तां सुनसरीया इटहरी न्यतालय् चड्कन नकूगु दु ।

पार्टीया स्वलाया वैचारिक व पार्टी सुदृढिकरण अभियान अन्तर्गत सुनसरीया इटहरी थ्यंकादीम्ह नायः खनालयात पार्टी कार्यकर्ता स्वीन्यादँ दूम्ह देवीप्रसाद रेग्मीं चड्कन नकूगु खः । मञ्चय् च्वनाच्वंम्ह खनालयात आकाझाकां मञ्चय् थहांवया रेग्मीं चड्कन नकूगु खः ।

खनालं पार्टीइ कचवं अप्वयेकूगु, देय्यात अनिर्णयया बन्दी दयेकेत मूवंगु भूमिका म्हितूगु धासें वय्कलं न्यतालय् चड्कन नकूगु धाःगु दु । तसकं तँम्वयेकूम्ह रेग्मीयात पार्टी कार्यकर्तां नियन्त्रणय् काःगु दु । रेग्मीयात नियन्त्रणय् कायेधुंकाः ज्याझ्वः न्ह्याकूगु धाःगु दु ।