नेपाल पर्यटन बर्ष २०११ (लाइभ अपडेट)
- नेपाल पर्यटन बर्ष २०११या उलेज्याझ्वः येँया दशरथ रंगशालाय् तःजिक न्ह्यानाच्वंगु दु ।
- पर्यटन दँ २०११ या उलेज्याझ्वलय् हवाई प्रदर्शन जुयाच्वंगु दु ।
- पर्यटनमन्त्री सरतिसंह भण्डारी दशरथ रंगशालाय् उपस्थित जुयादिल ।
- संविधानसभाध्यक्ष सुभाषचन्द्र नेम्वाङ नं दशरथ रंगशालाय् उपस्थित जुयादिल ।
- प्रधानमन्त्री माधवकुमार नेपाल अथेहे राष्ट्रपति डा. रामवरण यादव नं पर्यटन बर्ष २०११ या उलेज्याभुवःया नितिं दशरथ रंगशाला थ्यंकझाःगु दु ।
- औपचारिक ज्याभुवः न्ह्यात ।
- नेपाली सेनां सलामी बिल । आः मार्चपास जुयाच्वंगु दु ।
- कासामि, नेवाः खलःपुचः नापं थीथी जातजाति पाखें थःथःगु सांस्कृति झाँकी न्ह्यब्वयेगु ज्या जुयाच्वंगु दु ।
- त्रिपुरेश्वरस्थित दशरथ रंगशालाय् नेपाल पर्यटन बर्ष २०११ या औपचारिक ज्याझ्वः ।
'पर्यटनया नितिं नापनापं' धैगु मू नारा थ्वयेका नेपाल पर्यटन दँ सन् २०११ या थौं औपचारिक उलेज्या जुइत्यंगु दु । त्रिपुरेश्वरस्थित दशरथ रंगशालाय् न्ह्यानाच्वंगु विशेष समारोहलय् राष्ट्रपति डा. रामवरण यादवं आः छुं ई लिपा पर्यटन दँ २०११ या उलेज्या यानादी । अथेहे प्रधानमन्त्री माधवकुमार नेपालं झण्डोत्तोलन यानादीगु ज्याझ्वः दु । ज्याभुवलय् नेपाली सेना प्रहरी ब्वनामि कासामि कलाकार व सर्वसाधारण याना खुद्वलं झाँकी नापं सांस्कृतिक ज्याभुवः क्यनाच्वंगु दु । ज्याभुवलय् हेलिकोप्टरं पुष्पबृष्टि याःगु दु । उलेज्याभुवः समारोहलय् संयुक्त राष्ट्रसंघीय विश्व पर्यटन संगठनया मू छ्यााजे तावेल रिफाइ सार्क राष्ट्रया पर्यटनमन्त्री व पर्यटनसम्बद्ध अधिकारीतय्गु ब्वति दयाच्वंगु दु । समारोहलय् ब्वनामितय्गु सहभागिताया नितिं सरकारं थौं स्वनिगःया क्याम्पस व ब्वनेकुथिइ विदाया घोषणा तकं याःगु दु । सरकारं ताःहाकःगु द्वन्द्वया हुनिं हलिमय् लानाच्वंगु नकारात्मक लिच्वः चीकेत पर्यटन वर्ष घोषणा याःगु खः । पर्यटन उद्योगयात देय्या आर्थिक उपार्जनया मू माध्यम दयेकेगु तातुनां सरकारं थुगु दँय् नेपालय् म्होतिं झिगू लख पर्यटक दुकायेगु आज्जु तःगु दु । उकिमध्ये पीगू प्रतिशत पर्यटकयात न्हूगु गन्तव्यय् थ्यंकेगु सरकारी आज्जु दु । पर्यटन दँया औपचारिक उलेज्याझ्वः समापन धाःसा थौं बहनी तिंख्यलय् याइगु ज्याझ्वः दु । थुकिया नितिं तिंख्यलय् प्यारामोटर ब्वज्या व विशेष ज्याझ्वः नापं आतशवाजी नं याइ । थौं हे पर्यटन वर्ष उलेज्याया औपचारिक ज्याभुवः सुरु यायेन्ह्यः सुथय् खुद्वः व च्यासः व झिंनिसः मिटर तज्जागु अमादब्लम हिमालय् गुम्ह दुजः दुगु आरोहण दलं दीप प्रज्वलन याःगु खः ।
- राष्ट्रिय झण्डा ज्वना मार्चपास न्ह्यात ।
- ज्यापु समाज यल पाखें हाकू पतासि सिनातःपिं मय्जुपिंसं आः मार्चपास यानाच्वंगु दु ।
- मार्चपासया ज्याझ्वः क्वचाल । कासामि पाखें राष्ट्रिय झण्डा ज्वनाः मार्च पास यायेगु ज्या जुयाच्व्ंगु दु ।
- नेपाली सेना सशस्त्र प्रहरी व नेपाल प्रहरीपोखं पार्चपास यायेगु थ्वभुवलय् थीथी कथं आकार प्रकार दयेका पर्यटन बर्षया आखः च्वयेगु ज्या जुयाच्वंगु दु ।
- पर्यटन मन्त्री सरतिसंह भण्डारी पाखें लसकुस न्वचु
- नेपाल पर्यटन वार्डया नायः नापं पर्यटन बर्ष २०११ या कजि योगेन्द्र शाक्यपाखें थः गु नुगखँ तयाच्वनादिल ।
प्रधानमन्त्री माधवकुमार नेपालं नेपाःया राष्ट्रिय झण्डाया झण्डोटलन यायेगु नितिं न्ह्याःवनाच्वनादीगु दु ।
- दशरथ रंगशालाया प्याराफिडया दथुइ तयातःगु नेपाःया राष्ट्रिय झण्डा प्रधानमन्त्री माधवकुमार नेपालं औपचारिक रुपय् झण्डोतलन यानादिल ।
- थःगु नुगखँ तयेगु झ्वलय् प्रधानमन्त्री नेपाल ।
- नेपाल पर्यटन वर्षया इलय् जक मखु सदांया नितिं बन्द हड्ताल मयायत दल व भातृ संगठनयात आह्वान ।
- पर्यटन बर्षं नेपालय् पर्यटन व्यवसाय बांलाइगु बिस्वास ।
- पर्यटन दँयात तःजिक हनेत सकलसित थःथःगु थासं फक्वः ग्वाहालि यायेत इनाप ।
राष्ट्रपति डा. रामवरण यादवपाखें नेपाल पर्यटन बर्ष २०११ या औचपारिक उलेज्या जुल ।
नेपाली सेना सशस्त्र प्रहरी व नेपाल प्रहरी छथाय् च्वना थीथी धुन प्रस्तुती जुयाच्वन ।
- नेपाली सेना व ब्वनामितय्सं मंकाः कथं हुलाप्याखं न्ह्यब्वयेगु ज्या न्ह्यात ।
- सशस्त्र प्रहरी बलया प्रस्तुती कथं हुलाप्याखं व म्ये न्ह्यव्वयेगु ज्या न्ह्यात ।
