जनता तयार जुइमाल

- दिलिप महर्जन

जनयुद्धया पासापिं
जनआन्दोलन जनपिं
झी हि चःति सिमां सःगु पासि
खानाः नये झीसं मखनि
शान्ति व संविधानया रस
दुष्टतय्त पचय् मजुल
खँ ल्हासा झीपि सिबय् न्ह्यःने न्ह्यःने
हरेक समाजय् ईपिं
नेपाःया जा नयाः विदेशीया गुनगान याइपिं
दलाल नेतात भाः मदुपिं
जनता थुकलं बियाः म्वाये चुइकूसा
मछाः धइगु भ्याः भतिचा हे मदुपिं
इमिके रोग तसकं ग्यानापु
दुने दुने स्यंगु आलु थें
थःजक स्यनाः मगाः
मेपिन्त स्यंकेत जुइपिं
थः जक प्वाः जाःसा
जनता द्यां लाकाः स्याइपिं
भ्रष्टाचारया नायः जुयाः
देश मियाः सेंठ जुइपिं
देशय् शान्ति वल धाःसा
थःत कारबाही याइ धकाः ग्यानाः जूपिं
चकः खेलय् झुनय् यानाः
खुसि ब्वय् यंकेमाल
देशय् शान्ति हयेगु जूसा
न्हूगु संविधान च्वःगु जूसा
जनताया शासन हयेगु जूसा
जनता फुक्क दना वा
क्रान्तिकारी सकलें जानाः
छुँ स्यायेत धुँ स्यायेगु तयारी याना
जनता तयार जुइमाल
जनयुद्धया पासापिं
जनआन्दोलनकारी जनपिं ।

More Stories Like this

अस्तित्वया न्ह्यसः
आहा ! कीर्तिपुर महोत्सव
ल्होंकि
छगू भ्रम
पितं - स्वार्थ