न्हूदँ : पाःबिउम्ह व पाः काःम्ह

- लाभरत्न तुलाधर -

खुसी लः थें न्ह्ानाच्वंगु न्हूदँ कारे वनीन
दच्छि च्वंसां लुमन्तिया िचं मफसे सुलीन
झीसं वैत छतांबेस पो चिकाः छ्वये मफुसां
व हे बरु न्वाखँ छ्यो न्ह्यच्याकल भलसां

लक्ष्मीपुजा म्हपुजा व किजापुजा बाहेक
न्हू सिर्जना पुजा यायेगु मसयेकू थ्व बेलसं
दँिछं न्हूदँ पियाच्वंसां मवः न्हूगु चिन्तन
न्हूदँ वइ न्हुया वनी थ्व मज्यःगु पहलं

प्रजातन्त्र धाःगु इलय् हाल नेपाः संवत
लोकतन्त्र वये धुंकाः विभूति झी साख्वाल
गणतन्त्र धाल अय्सां व हे मुलु सुका नं
व हे ब्वाज्या व हे र् याली थुिलं मखा सदानं

नेपालभाषाया प्यंगः थांया जीवन कालय्
सुं नेवालं माला मजू खेँय्ओ चिपया गालय्
म्हिगः मातृभासा त्वःताः च्यःबुद्धि नाल धयां
छुयानिितं नेवाः संघय् दलियता दुकया

पुलां कवि कलाकरं समृद्धि स्वय् मखंसां
भावी सन्तति गरीब मज्वीकेगु मन्सुवां
साहित्य संगीत कला साधनाया लिधंसा
थःगु हे दबू छेँ छखा दयेकी धैगु भलसां

दूर द्रष्टा चित्तधर हृदयजु न्ह्यछुत
तितिपापा यानातःगु थःगु बुँ हे लःल्हात
परन्तु गो दशकौं ई पुला थनि तकनं
दबू छेँया गोसाः मलंू मंकाः खलः धलखं

झी सामाजय् महाजन करोडौं थुवाःिपं दै
विशाल नुगः धाःपिन्सं पुंजी माःथाय् छ्यल खै
ल्यंिपं तःमि धायेके यःसां व्यवहारय् दरिद्र
सार्वजनिक हित मथू नां पित्याःगु चरित्र

निश्चय झी स्वनिगःया नेवाः मध्येय् आपालं
बाइक गयाः र् याली वने फुिपं थजु ताहाः लँ
न्ह्यैपुकेत फुनाच्वन कुँ जुयाः दां दँय् दसं
मंकाः दबू छेँया निितं मन मव्यू सुनानं ।

More Stories Like this

अस्तित्वया न्ह्यसः
आहा ! कीर्तिपुर महोत्सव
ल्होंकि
जनता तयार जुइमाल
छगू भ्रम