थौं मांया ख्वाः स्वयेगु

थौं चौलागा आमै अर्थात मांया ख्वाः स्वयेगु न्हि । झीत बूइकाः माया याना सःगू, स्यूगु खँ स्यांनाः गवलं मिभं चित्तय् मयासिं तइम्ह थ्व संसारय् सुं दुसाः व झीत बुइकूम्ह मां हे जक खः । उकीं अज्याम्ह हे पुज्यायेबहम्ह मांयात हनेत दच्छिया छक्वः थौंया हे न्हि खुन्हु मांया ख्वाः स्वयेगु चलन दु ।

थ्व न्हि खुन्हु मांया भिं जुइमाः धकाः मांयात मह्रिचह्रि, फलपुल, धौ आदि लःल्हानाः ख्वाः स्वयेगु चलन दु । अथेहे मां मदेधुंकूपिसं जुसाः सुथय् म्वः ल्हुयाः थःत बूइकूम्ह मांयात लुमंकाः बजि, मह्रिचह्रि, फलफुल, दुरु, चि व पालु तयाः कुल पुजारीयात निसलाः बिइगु चलन दुसाः येँय्या मातातिर्थ वनाः पुखुया लखय् मांया ख्वाः स्वयेगु, फुथें छायेगु, निसला बिइगु, सिधा बिइगु, जलदान बिइगु वा सराद्ध नं यायेगु चलन दु ।

More Stories Like this